دمشق(پاکستان پوائنٹ نیوز05۔نومبر۔2016ء) شدت پسندتنظیم داعش ولوں مغربی ملکاں اُتے حملیاں دیاں دھمکیاں تے آﺅندیاں رہندیاںسن پر ہن تنظیم دے سربراہ ابوبکر البغدادی نے اپنے کارکناں نوں سعودی عرب تے ترکی اُتے وی حملیاں دا حکم دے دِتا اے۔ میڈیا رپورٹ دے مطابق ابوبکر البغدادی ولوں جاری آڈیو بیان وچ اپنے کارکناں نوں ترکی تے سعودی عرب اُتے حملیاں دا حکم دے دِتا اے تے آکھیا اے کہ سعودی عرب تے ترکی نوں خون وچ نہوا دیو‘۔
بیان وچ اوہناں نے کھیا کہ سعودی عرب دے مسلمان، مسلماناں دے بھرا نہیں اوہ شیطان دے بھرا نیں، اوہ ساڈے غدار نیں کیوں جے اوہ یہودی نصاری نال رلکے داعش خلاف لڑی جان والی جنگ دی قیادت کر رہے نیں۔ بیان وچ بغدادی نے عراق دے سنی مسلماناں نوں وی وارننگ دِتی کہ دشمن عراق اُتے قبضہ کرن لئی ہر ممکن کوشش کر رہے نیں۔ اوہناں نے فضائی بمباری وچ ہلاک ہن والے داعش دے پراپیگنڈا ٹیم دے سربراہ محمد العدنی دا وی ذکر کیتا تے آکھیا کہ اوہ ’خلافت‘ دے بانیاں وچوں سن۔
