بھارت(پاکستان پوائنٹ نیوز12۔نومبر۔2018ء) دارالعلوم دیوبند نے ماموں ولوں دلہن نوں سٹیج تیکر لیجان دی روایت نوں غیر اسلامی قرار دے دتا اے۔ تفصیل مطابق دارالعلوم دیوبند نے فتوی جاری کیتا اے، جیہدے وچ آکھیا گیا کہ ماموں دا اپنی بھانجی نوں ویاہ والے دن سٹیج تیکر لیجانا غیر اسلامی اے کیونکہ ایہ کم نفسانی خاہش دی ترغیب دی وجہ بن سکدا اے۔ ایہ فتوی مظفر نگر دے رہائشی اک بندے دے سوال اُتے جاری کیتا گیا۔
ذکر کیتے گئے بندے نے ویاہ وچ نبھائی جان والی ایس روایت بارے دارالعلوم توں اک سوال کیتا سی ، جیہدے جواب دارالعلوم نے ایس کم نوں غیر اسلامی قرار دیندے ہوئے آکھیا کہ ایہدے اُتے پابندی ہونی چاہیدی۔ فتوے وچ آکھیا گیا کہ سٹیج تیکر لیجان لئی دلہن نال اوہدی ماں دا ہونا بُہتا مناسب اے۔ دوجے پاسے دارالعلوم دیوبند دے ایس نویں فتوے نے اک نویں بحث نوں جنم دے دتا اے۔
