انڈونیشیا(پاکستان پوائنٹ نیوز30۔اکتوبر۔2018ء) انڈونیشیا وچ اپنے بوائے فرینڈ نال تعلق ودھان اُتے نوجوان کُڑی نوں سخت سزا دتی گئی اے۔ تفصیل مطابق انڈونیشیا وچ 21ورھیاں دی نوجوان کُڑی نوں اوہدے بوائے فرینڈ نال تعلق ودھان اُتے سرعام بوائے فرینڈ دے نال ای سوٹیاں ماریاں گئیاں نیں۔ ایہ واقعہ انڈونیشیا دے اوس شہر وچ پیش آیا جتھے شریعت دے قانون اُتے سختی نال عملدرآمد کیتا جاندا اے تے نوجوان کُڑی نوں بوائے فرینڈ سنے سزا وی شریعت دے قانون مطابق ای دتی گئی جیہدے تحت اوہنوں سرعام سوٹیاں ماریاں گئیاں۔
شریعت وچ جوا، شراب پینا، ناجائز تعلقات تے غیر قدرتی فعل وچ ملوث ہون والے شہریاں نوں سرعام 200دے قریب کوڑے مارن دی سزا تجویز کیتی گئی اے۔ یاد رہوے کہ انڈونیشیا وچ پولیس نوں ہدایت کیتی گئی اے کہ اوہ بغیر حجاب سوانیاں، تنگ لباس پان والیاں سوانیاں تے شراب پین والے شہریاں اُتے نظر رکھے۔
