نویں دِلی(پاکستان پوائنٹ نیوز07۔ستمبر۔2018ء) سابق بھارتی کرکٹر و کانگریس رہنما نوجوت سنگھ سدھو نے آکھیا اے کہ پاکستانی وزیر اعظم عمران خان دے خیر سگالی جذبے اُتے کسے نوں سوال نہیں چُکنا چاہیدا۔ سابق بھارتی کرکٹر و کانگریس رہنما نوجوت سنگھ سدھو نے ضلع نارروال وچ موجود کرتار پور صاحب دا راہ کھولن دے معاملے اُتے وزیر اعظم پاکستان عمران خان دا شکریہ ادا کردے ہوئے آکھیا کہ عمران خان دے خیر سگالی جذبے اُتے کسے نوں سوال نہیں چُکنا چاہیدا۔
بھارتی وزیر خارجا سشما سوراج توں بیتنی کرنا واں کہ پاکستان نے اک پیر اگانہ ودھا یا اے تے بھارت وی پیر اگانہ ودھائے۔ نوجوت سدھو نے آکھیاکہ پاکستان بارے بھارتی حکومت دی پالیسی وچ کدی مداخلت نہیں کیتی جدکہ مذہب دے معاملے اُتے سیاست کرنا ٹھیک نہیں ۔ ایس توں پہلاں وفاقی وزیر اطلاعات فواد چودھری دا کہنا سی کہ پاکستان چھیتی ای بھارتوں آن والے سکھ یاتریاں لئی کرتار پور بارڈر کھول دیوے گا جیہدے مگروں یاتری بغیر ویزے دے گوردوارہ دربا صاحب دے درشن کر سکن گے۔
