ہریانہ( پاکستان پوائنٹ نیوز30۔جولائی۔2018ء ) بھارتی ریاست ہریانہ وچ جہالت تے درندگی دی ڈرا دین والی مثال ویکھن وِچ آئی جدوں 8 بندیاں نے حاملا بکری نُوں اپنی جنسی بھُکھ دا نشانا بنایا۔ بھارتی میڈیا رپورٹ مطابق ہریانہ دے واسی اِک بندے نے دعوا کیتا کہ 8 بندیاں نے اوہدی حاملا بکری نُوں جنسی زیادتی دا نشانابنایا جیہدے نتیجے وچ اوہ جیون دی بازی ہار گئی۔
بکری دے مالک، اسلو نے دسیا کہ میں اپنی گواچی بکری نُوں لبھن نکلیا تاں اوہ مینوں مردہ حالت وچ لبھی۔ جیہدے بعد 26 جولائی نُوں ملزماں خلاف پولیس وچ اِک شکایت درج کروائی‘ پولیس نے آکھیا کہ کیس دی تفتیش لئی بکری دا پوسٹ مارٹم کیتا جاوے گا۔ جنوراں دے حقاں لئی کم کرن والی اِک تنظیم دے کارکن نے آکھیا کہ اوہ لوک جیہڑے تشدد پسند ہوندے نیں اوہ پہلاں جنوراں نُوں ای تشدد دا نشانا بناؤندے نیں جیہدے مگروں اوہ انساناں نُوں اپنے تشدد دا نشانا بناؤندے نیں پر بکری نُوں جنسی تشدد دا نشانا بنائے جاون والے ایس کیس مگروں ساریاں نُوں ای خبردار تے چوکنا ہو جانا چاہیدا اے۔
سماجی رابطے دی ویب سائٹ فیس بُک وچ اپنے سنیہے وچ جانوراں دے حقاں لئی سرگرم میٹ اشعر نے آکھیا کہ ایس طرحاں دے تشدد دے واقعے ہُن معاشرے وچ عام ہوندے جا رہے نیں‘ سانوں اجیہے جُرماں نُوں گھٹاون لئی عملی اقدامات کرن دی ضرورت اے۔ صر ف ایسے لئی نہیں کہ اجیہے واقعیاں وچ جنوراں نُوں تشدد دا نشانا بنایا جاندا اے پر ایس لئی وی کہ جنوراں نُوں اینی بے دردی نال تشدد تے زیادتی دا نشانا بناون والیاں دا ذہن مجرمانہ ہوندا اے جیہنوں اوہ منُکھاں(انسانا) نُوں نقصان اپڑاون لئی وی ورت سکدے نیں۔
پولیس نے حاملا بکری نُوں جنسی زیادتی دا نشانہ بناون والے مفرور ملزماں خلاف ایف آئی آر درج کر لئی اے۔ ایہہ واقعہ سوشل میڈیا اُتے تنقید دا موضوع بنن مگروں عوام ساہمنے آیا۔ سوشل میڈیا اُتے وی ہریانہ دے واسیاں نُوں ڈاڈھی تنقید دا نشانا بناندے ہوئے آکھیا گیا اے کہ ہریانہ وچ اجیہے لوکیں وسدے نیں جیہڑے مذہبی عقیدے خاطر گاں دی حفاظت تاں کردے نیں پر بکریاں نُوں اپنی جنسی ہوس دا نشانا بناؤندے نیں۔
