بھارت:معصوم سالی نال زیادتی کرن والا درندہ بہنوئی گرفتار

بھارت:معصوم سالی نال زیادتی کرن والا درندہ بہنوئی گرفتار

حیدر آباد( پاکستان پوائنٹ نیوز03۔جولائی۔2018ء ) بھارتی ریاست آندھرا پردیش وچ معصوم سالی نال زیادتی کرن والے درندہ صفت بہنوئی نوں گرفتار کر لیا گیا اے۔ بھارتی میڈیا مطابق بھارتی ریاست آندھرا پردیش دے اونگول وچ اک بندے ولوں بیوی دی بھین دا جنسی استحصال کرن دا واقعہ پیش آیا۔ ذکر کیتی گئی کُڑی 7ویں جماعت وچ پڑھدی اے۔ بہنوئی بھانو چندر نے لو میرج کیتی سی پر بعدوں اوہنے سالی نوں زیادتی دا نشانہ بنا دتا۔

12ورھیاں دی کُڑی نوں ماہواری نہ آن اُتے ماں ہسپتال لے گئی تے ڈاکٹراں نے معمولی مسئلا سمجھ کے دوائی دے دتی۔ پر دو دن بعد لگاتار اُلٹیاں آن اُتے کُڑی دی ماں اک وار فیر اوہنوں ہسپتال لے کے گئی ، جتھے ڈاکٹراں نے تصدیق کیتی کہ کُڑی 6مہینیاں دی حاملہ اے تے بال دی حالت ٹھیک نہیں۔ ڈاکٹراں نے کُڑی دی ماں نوں بچہ ڈیگن دا مشورہ دتا تے پولیس حکام نوں اطلاع دتی۔ گھر والیاں نوں جدوں ایس گل دا پتا لگا تے پولیس سٹیشن وچ بہنوئی خلاف شکایت درج کروائی۔ پولیس نے کارروائی کردے ہوئے بھانو چندر نوں گرفتار کرکے سالی نوں ہسپتال گھل دتا۔