خانہ کعبہ اُتے پانی والی شے چھڑکن دی ویڈیو سوشل میڈیا اُتے وائرل

مکہ مکرمہ( پاکستان پوائنٹ نیوز27۔جون2018ء ) سوشل میڈیا اُتے پچھلی رات خانہ کعبہ وچ بنائی گئی اک ویڈیو دے چرچے نیں۔ ویڈیو وچ اک بندہ خانہ کعبہ کول کھلو کے بوتل وچ موجود کوئی شے خانہ کعبہ دے غلاف اُتے چِھڑک رہیا سی۔ ویڈیو وچ ویکھیا گیا کہ خانہ کعبہ وچ موجود اک نوجوان طواف دوران ای خانہ کعبہ کول رُک گیا۔ رُکن مگروں نوجوان نے اپنی جیب وچوں اک بوتل کڈھی جیہدے وچ کوئی پانی والی شے موجود سی جو اوہنے خانہ کعبہ دے غلاف اُتے سُٹ دتی۔ ایہو نہیں بوتل نوں خانہ کعبہ اُتے سُٹدے ہوئے نوجوان نے اُچی آواز وی لائی۔ ذکر کیتی گئی ویڈیو سوشل میڈیا اُتے وائرل ہوئی تے ورتیندڑ حیران رہ گے۔