بھارت جان توں توبہ

کینیڈین وزیر اعظم نے بھارتی دورے بارے مضحکہ خیز تفصیلاں دس دتیاں

بھارت جان توں توبہ
کینیڈین وزیر اعظم نے بھارتی دورے بارے مضحکہ خیز تفصیلاں دس دتیاں

کینیڈا( پاکستان پوائنٹ نیوز20۔جون2018ء ) کینیڈین وزیر اعظم جسٹن ٹروڈو اپنے بھارتی دورے نوں بُھل نہ سکے۔تفصیل مطابق کینیڈین وزیراعظم جسٹن ٹروڈو فروری 2018نوں اپنے گھر والیاں نال بھارت گئے سن۔ کینیڈین وزیر اعظم بہت ساریاں آساں لے کے بھارت گئے سن پر جدوں جسٹن ٹروڈو بھارت گئے تے اوہناں دا استقبال بھارتی وزیر زراعت نے کیتا تے اوہناں دے سارے خاب ٹُٹ گئے۔

جسٹن ٹروڈو دا کہنا اے کہ بھارتی وزیر زراعت دا رویہ مسخرے ورگا سی۔ بھارتی وزیر زراعت نے نہ تے مینوں گلے لایا نہ ہتھ ملایا بلکہ اکھاں وچ اکھاں پا کے کھلوتا رہیا۔ کینیڈین وزیراعظم جسٹن ٹروڈو نے اک تقریب وچ جدوں سبھ نال اپنے بھارتی دورے دیاں تفصیلاں شیئر کیتیاں تے تقریب وچ موجود لوک ہسن لگ پئے۔ کینیڈین وزیر اعظم جسٹن ٹروڈو نے اپنے بھارتی دورے دا مذاق اُڈاندے ہوئے لوکاں نوں بہت ہسایا۔

جسٹن ٹروڈو نے ہسدے ہوئے آکھیاکہ مینوں انج لگدا اے کہ اسیں بھارت نہیں گئے۔ مینوں اپنا بھارتی دورہ بالکل وی یاد نہیں اے۔ میں سوچنا واں کہ کیہ اسیں واقعی کدی بھارت گئے سی۔ جسٹس ٹروڈو دا کہنا سی کہ میں بہت آساں لے کے بھارت گیا سی۔ جدوں اسیں بھارت اپڑے تے سانوں زراعت دے وزیر نے جی آیاں آکھیا۔ جسٹن ٹروڈو نے بالی ووڈ کنگ خان شاہ رخ نال ملاقات دا ذکر وی کیتا۔