کولکتہ( پاکستان پوائنٹ نیوز13۔جون2018ء ) بھارتی شہر کولکتہ دے علاقے سونا پور دی رہن والی 18ورھیاں دی کُڑی موسمی مستری نے فیس بک اُتے لائیو خدکشی کر لی۔ بھارتی میڈیا مطابق موسمی دی ماں نے دسیا کہ موسمی اپنے دوست اریان نال ملاقات مگروں گھر آئی تے چُپ سی ۔ اوہ گھر وچ کسے نال گل بات وی نہیں کر رہی سی۔ موسمی دی ماں دا کہنا سی کہ وقوعہ والے دن میں رات دی ڈیوٹی اُتے سی جدکہ موسمی دے والد تے بھرا وی ڈیوٹی اُتے سن،پر موسمی گھر وچ اکلی سی، اوہنے گھر دا بوہا بند کر کے چھت نال گلے وچ پھاہ لے کے خدکشی کر لی۔
موسمی دی ماں دا کہنا سی کہ سویرے ڈیوٹی توں آن مگروں بوہا کھڑکایا پر جدوں بوہا نہیں کُھلیا تے اسیں اندر جھاتی مار کے ویکھیا تے پتا لگا کہ موسمی نے خدکشی کر لی۔ اطلاع ملدے ای پولیس موقعے اُتے اپڑی تے لاش قبضے لیندے ہوئے اوہنوں پوسٹمارٹم لئی گھل دتا۔
