مکہ( پاکستان پوائنٹ نیوز09۔جون2018ء ) حرم پاک وچ موجود اک پاکستانی شہری نے اُتلی منزل توں چھال ما ر کے خدکشی کر لی۔ مرن والے دی عمر 35سال دے لگ بھگ دسی جا رہی اے۔ سعودی حکام مطابق جمعے دی رات عشاء دی نماز مگروں اچانک مطاف دی اُتلی منزل توں پاکستانی شہری نے چھال مار دتی۔ پاکستانی شہری دے زمین اُتے ڈِگدے ای اوہدیاں ہڈیاں ٹُٹ گئیاں ۔ موقعے اُتے موجود میڈیکل ٹیم نے اوہنوں ڈاکٹری امداد دتی ،جیہدے مگروں اوہنوں ہسپتال منتقل کر دتا گیا، پر ڈاڈھے زخماں پاروں شہری ہلاک ہو گیا۔
حکام مطابق خدکشی کرن والے بندے دا تعلق پاکستان توں سی جو سعودی عرب وچ روزگار لئی آیا ہویا سی۔ ہلاک ہون والے بندے نے خدکشی دی نیت نال مطاف دی اُتلی منزل توں ہیٹھاں چھال ماری۔ خشی قسمتی نال برآنڈے وچ ، جس تھاں ذکر کیتے گئے بندے نے چھال ماری اوتھے ہور کوئی نہیں کھلوتا سی۔ پولیس حکام خدکشی کرن والے پاکستان شہری بارے ہور معلومات لے رہے نیں۔ پر اجے تیکر خدکشی دی وجہ ساہمنے نہیں آ سکی۔
