سعودی عرب: غیر مسلماناں نوں مسجداں وچ آن دی اجازت دے دتی گئی

ریاض( پاکستان پوائنٹ نیوز30۔مئی2018ء ) سعودی ایوان شاہی دے مشیر و مشہور عالم دین ڈاکٹر عبداللہ المطلق نے آکھیا اے کہ غیر مسلمان مسجداں وچ آ سکدے نیں۔ سعودی ابلاغ وسیلیاں مطابق ایوان شاہی دے مشیر و مشہور عالم دین نے آکھیا اے کہ رسولﷺمسجد نبوی شریف وچ غیر مسلماناں دی مجمانی(میزبانی) کردے سن تے نجران دے عیسائیاں لئی مسجد نبوی وچ باقاعدہ خیمہ لایا گیا سی۔ اوہناں نے آکھیا کہ غیر مسلم مسجداں وچ آ جا سکدے نیں۔اوہناں دا ہور کہنا سی کہ مسجداں دی اُساری و مرمت دا کم وی غیر مسلماناں توں لِتا جا سکدا اے پر بہتر اے کہ مسلمان ہنر منداں نوں ترجیح دتی جائے۔