ریاض( پاکستان پوائنٹ نیوز26۔مئی2018ء ) سعودی عرب دے مشرقی ریجن وچ 6سوانیاں سنے 80بندیاں نے اسلام قبول کر لیا۔ نویں مسلمان ہون والیاں دا تعلق وکھو وکھ (مختلف) ملکاں توں اے جیہناں نے مشرقی ریجن وچ دعوةوالا رشاد دے ذیلی دفتر وچ شہادتاں دا اقرار کردے ہوئے اسلام قبول کرن دا اعلان کیتا۔ روزیاں دوران مشرقی ریجن وچ رمضان پروگرام دے تحت کئی مرکزاں وچ دعوتی پروگراماں دا پربندھ کیتا جاندا اے جیہدے اندر لوک وڈی گنتی وچ رلتی ہوندے نیں۔
دعوة والارشاد دی چھتر چھاویں(زیر نگرانی) افطار پروگرام وی پچھلے 3 ورھیاں توں جاری اے ۔ایس پروگرام وچ مقامی تے غیر ملکی شہری وی رلتی ہوندے نیں۔ ایس سلسلے وچ افطار پروگرام دے ذمے دار شیخ حسین الشھری نے دسیا کہ افطاری توں پہلاں دعوتی کم ہوندا اے جیہدے وچ دین اسلام دے زریں اصولاں بارے لوکاں نوں دسیا جاندا اے۔ ایس توں وکھ نواں نواں اسلام قبول کرن والیاں لئی وی اُچیچا پربندھ کیتا جاندا اے تاں جے اوہ اسلامی اصولاں بارے چنگی طرحاں جانکاری حاصل کر سکن۔
