29ورھیاں دی پاکستانی سوانی دبئی وچ جسم فروشی دے الزام وچ گرفتار

29ورھیاں دی پاکستانی سوانی دبئی وچ جسم فروشی دے الزام وچ گرفتار

دبئی( پاکستان پوائنٹ نیوز25۔مئی2018ء ) دبئی پولیس نے جسم فروشی دے الزام وچ 29ورھیاں دی پاکستانی سوانی نوں گرفتار کر لیا۔ میڈیا رپورٹ مطابق سوانی نے پولیس سٹیشن وچ شکایت درج کروائی کہ مینوں 12بندیاں نے اجتماعی زیادتی دا نشانہ بنایا۔ میڈیا رپورٹ مطابق سوانی نے پولیس سٹیشن وچ شکایت درج کروائی کہ مینوں 12بندیاں نے اجتماعی زیادتی دا نشانہ بنایا۔

وزٹ ویزے اُتے دبئی جان والی 29ورھیاں دی پاکستانی سوانی نوں عدالت وچ جسم فروشی دے کیس دا ساہمنا اے۔ الرشیدیا پولیس سٹیشن دے پولیس سارجنٹ نے آکھیا کہ سوانی پولیس سٹیشن آئی تے آکے پولیس نوں دسیا کہ مینوں 21اپریل نوں 12بندیاں نے اجتماعی زیادتی دا نشانہ بنایا۔ پر بعدوں سوانی نے اپنے جرم نوں قبولیا تے پولیس نوں بیان دتا کہ جسم فروشی دے مندے کاروبار وچ کم کرن اُتے قانون کارروائی توں بچن لئی میں ایہ کہانی گھڑی۔

سارجنٹ نے ہور دسیا کہ سوانی نے تفتیش دوران اپنے پاکستانی باس بارے وی اعتراف کیتا، جیہنے جسم فروشی دے کاروبار وچ استعمال کیتا تے مینوں اک فلیٹ اُتے چھڈیا۔ جتھے 29 ورھیاں دی سوانی نے اک پاکستانی مرد تے اوہدے دو ساتھیاں نال زنا کیتا۔ پر اوہناں ساریاں کولوں پیسے نہ ملن اُتے سوانی نے پولیس سٹیشن جان دا فیصلا کیتا تے زیادتی دا نشانہ بنن دی کہانی گھڑی۔