ریاض(پاکستان پوائنٹ نیوز17۔مئی2018ء ) سعودی ولی عہد محمد بن سلمان دے ہلاک ہون دیاں اطلاعواں ساہمنے آ رہیاں نیں۔ تفصیل مطابق غیر ملکی میڈیا اُتے چلن والیاں خبراں وچ دعوا کیتا جا رہیا اے کہ ممکنہ طور اُتے سعودی ولی عہد محمد بن سلمان دی موت ہو گئی اے۔ ایرانی تے روسی میڈیا دا دعوا اے کہ محمد بن سلمان پچھلے تن ہفتیاں توں غائب نیں۔ پچھلے مہینے 21اپریل نوں ریاض وچ سعودی شاہی محل اُتے مبینہ حملا ہویا سی۔
حملے دے نتیجے وچ سعودی شاہی محل وچ سعودی ولی عہد زخمی ہوئے یاں فیر ہلاک ہو گئے سن۔ جدوں توں شاہی محل اُتے مبینہ حملا ہویا اے۔ اوس دن توں سعودی ولی عہد غائب نیں۔ ایس لئی ویکھن نوں لگدا اے کہ یاں تے اوہ ہلاک ہو گئے یاں اوہ ڈاڈھے زخمی نیں۔ روسی تے ایرانی میڈیا اُتے چلن والیاں خبراں وچ ہور دعوا کیتا جا رہیا اے کہ 21اپریل نوں سعودی شاہی محل اُتے ہون والا مبینہ حملا اصل وچ سعودی شاہی خاندان دے ای باغی بندیاں ولوں کیتی جان والی بغاوت سی۔ ایس دوران سعودی ولی عہد محمد بن سلمان اُتے قاتلانہ حملا کیتا گیا۔ حملے دے نتیجے وچ ممکنہ طور اُتے اوہ زخمی یاں ہلاک ہو گئے نیں۔
