ریاض(پاکستان پوائنٹ نیوز11۔مئی2018ء) سعودی حکومت نے غیر قانونی طور اُتے حج کرن والیاں خلاف سخت کارروائی دا فیصلاکیتا اے۔ سعودی محکمہ پاسپورٹ ولوں جاری اعلامیے وچ آکھیا گیا اے کہ غیر قانونی طور اُتے حج کرن والیاں نوں اک سال لئی بلیک لسٹ کر دتا جائے گا۔ سعودی محکمہ پاسپورٹ دا کہنا اے کہ ہن توں غیر قا نونی طور اُتے حج کرن والیاں دے گرفتار ہون اُتے فنگر پرنٹس لِتے جان گے تے اوہناں نوں آؤندے دس ورھیاں لئی بلیک لسٹ کر دتا جائے گا۔
جدکہ وکھو وکھ (مختلف) خلاف ورزیاں اُتے گرفتار ہون والے غیر ملکیاں نوں 3سال لئی بلیک لسٹ کیتا جائے۔ مقامی وسیلیاں مطابق محکمہ پاسپورٹ نے ایس گل ول دھیان کروایا اے کہ جے کوئی بندہ سعودی عرب توں باہر جان دا ویزہ لے کے گیا تے واپسی دا ویزہ نہ لیا ہویا اوہ سعودی عرب واپسی دے ویزے وچ کوئی تجدید نہیں کر وا سکدا۔ تے نہ ای واپسی دا ویزہ اوتھوں لگوا سکدا اے۔ اجیہے بندیاں نوں نویں سِرے توں ویزہ لینا پئے گا۔ حکام دا کہنا اے کہ جے کوئی سوانی اقامے اُتے ویزہ لے کے سعودی عرب توں باہر گئی تے اوتھے اوہدے گھر کوئی بال ہویا، اجیہی صورتحال وچ بال نوں ماں دے ویزے اُتے سعودی عرب لیان دی سہولت ہوئے گی پر اوہدی وکھ فیس لِتی جائے گی۔
