بھارت(پاکستان پوائنٹ نیوز07۔مئی2018ء ) 33ورھیاں دی غیر ملکی سوانی نوں زیادتی دا نشانہ بنان مگروں قتل کر دتا گیا۔ 33ورھیاں دی لیگا بھارت علاج لئی گئی سی۔ سوانی لیگا بھارتی شہر کاریلا وچ اپنی بھین نال آئی۔ لیگا آئرلینڈ دی رہن والی سی تے کئی ہفتیاں توں لاپتا سی۔ غیر ملکی میڈیا مطابق لیگا نامی سوانی جو اپنے ڈپریشن دے علاج لئی بھارت گئی سی، نوں بھارت وچ زیادتی دا نشانہ بنان مگروں قتل کر دتا گیا۔
میڈیا مطابق لیگا نوں زیادتی دا نشانہ بنان توں پہلاں نشے والیاں گولیاں وی دتیاں گئیاں۔ 33ورھیاں دی لیگا پنج سال توں آئرلینڈ وچ اپنے شوہر نال رہ رہی سی۔ لیگا اپنی بھین نال ڈپریشن دے علاج لئی بھارت گئی سی۔ غیر ملکی سوانی نوں زیادتی کرن مگروں قتل کر دتا گیا۔ سوانی لمے چِر توں لاپتا سی۔ 21اپریل نوں اوہدی لاش اک جنگل توں ملی۔پولیس نے جس دن سوانی دے قتل ہون دا انکشاف کیتا اوسے دیہاڑے یورپ وچ سوانی دا جنازہ پڑھیا گیا سی۔ رپورٹ وچ ایہ وی لکھیا گیا اے کہ سوانی نوں دو بندیاں ولوں نشہ دین دے بعد اجتماعی زیادتی دا نشانہ بنایا گیا۔ دوجے پاسے سوانی نال زیادتی دے شبے وچ دو بندیاں نوں گرفتار کر لیا گیا اے۔
