بھارت(پاکستان پوائنٹ نیوز26۔اپریل2018ء) گھٹ جہیز لیان اُتے شوہر نے اپنے بیلیاں نال رلکے تن دن پُرانی بیوی نوں زیادتی دا نشانہ بنا دتا۔ پولیس مطابق ایہ معاملا اودوں ساہمنے آیا جدوں متاثرہ کُڑی نوں خطرناک حالت وچ ہسپتال منتقل کیتا گیا۔ متاثرہ کُڑی دے گھر والے داماد ولوں جہیز لئی کیتا گیا مطالبہ پورا نہ کر سکے، جیہدے اُتے شوہر نے اپنے یاراں نوں سد کے بیوی نوں اجتماعی زیادتی دا نشانہ بنا دتا۔
پولیس دا کہنا اے کہ ملزماں خلاف مقدمہ درج کر لیا گیا اے۔ پولیس نے متاثرہ کُڑی دے شوہر نوں گرفتار کر لیا جدکہ مقدمے وچ نامزد ہور ملزم فرار نیں۔ متاثر ہ کُڑی دا اپنے بیان وچ کہنا سی کہ میرے شوہر نے میرے گھر والیاں توں سونے دے گہنیاں دی منگ کیتی سی۔ منگ پوری نہ ہون اُتے شوہر نے اپنے بیلیاں نال رلکے مینوں زیادتی دا نشانہ بنایا۔ چیتے رہوے کہ ایس واقعے توں تن دن پہلاں ای بھارتی علاقے وچ جہیز گھٹ لیان دے طعنیاں توں تنگ آکے اک کُڑی نے خدکشی کر لئی سی۔
