سعودی شہزادے نے اپنی محبوبہ دی مدد نال فحش فلماں بنوائیاں سن: فرانسیسی کمپنی دا دعوا

ریاض(پاکستان پوائنٹ نیوز24۔اپریل2018ء) فرانس دی اک پروڈکشن کمپنی نے دعوا کیتااے کہ سعودی شہزادے نے اپنی محبوبہ دی مدد نال فحش فلماں بنوائیاں تے ایس سلسلے وچ شہزادے نے کمپنی دے 80,000یورو دینے نیں۔تفصیل مطابق سعودی شاہی خاندان اُتے اک فرانسیسی فحش پروڈکشن کمپنی ولوں مقدمہ چل رہیا اے۔جیہدادعوا اے کہ مرحوم شہزادے سعود الافیصل نے مبینہ طور اُتے ذاتی فحش فلماں بنان دا حکم دتا سی تے اوہناں نے فحش فلماں دے 78,000یورو دینے نیں۔

بین الاقوامی وسیلے ڈیلی میل داکہنا اے کہ ایہ فلماں سعودی عرب دے جانے پچھانے وزیر خارجا شہزادہ سعود الافیصل دے آکھن اُتے فرانس دے دارالحکومت پیرس وچ بنوائیاں جاندیاں سن۔فرانس دی قانون دان کمپنی دا دعوا اے کہ شہزادہ سعود باقاعدگی نال فرانس دی فحش فلماں بنان والی کمپنی ‘اٹیلاکنسرج‘ نوں ہدایتاں جاری کردے کہ اوہ ایہناں فلماں وچ ہور کیہ کیہ ویکھنا چاہندے نیں۔ رپورٹ مطابق ایہ فحش فلماں مبینہ طور اُتے شہزادہ الافیصل دے فرانس وچ لگژری خاندانی اپارٹمنٹ وچ یاں ہوٹل دے کمریاں وچ بنوائیاں جاندیاں سن۔