کابل(پاکستان پوائنٹ نیوز18۔اپریل2018ء) افغان چیف ایگزیکٹو عبداللہ عبداللہ نے آکھیا اے کہ پاکستان نال ڈیورنڈ لائن اُتے ہور کشیدگی نوں روکن لئی مذاکرات جاری نیں، خوست دے ضلع زازی میدان وچ کُجھ دن پہلے ہون والی جھڑپ پاکستانی فورسز ولوں سرحدی حد دی خلاف ورزی دی وجہ توں ہوئی، پاکستانی فوجیاں دیاں لاشاں حکام دے حوالے کر دتیاں گئیاں نیں۔ بدھ نوں افغان میڈیا مطابق کابل وچ پرچا کاراں نال گل بات کردے ہوئے عبداللہ عبداللہ نے الزام لایا اے کہ خوست صوبے دے ضلع زازی میدان وچ کُجھ دن پہلے ہون والی جھڑپ پاکستانی فورسز ولوں سرحدی حد دی خلاف ورزی دی وجہ توں ہوئی۔
اوہناں دا کہنا سی کہ آؤندے ویلے وچ ایس طرحاں دے واقعیاں نوں روکن لئی فوجی تے سفارتی پدھر اُتے مذاکرات جاری نیں۔ عبداللہ عبداللہ دا کہنا سی کہ پاکستانی فوجیاں دیاں لاشاں پاکستانی حکام دے حوالے کر دتیاں گئیاں نیں۔
