وٹس ایپ تے فیس بک دی دن رات ورتوں، شوہر نے تنگ آ کے بیوی نوں قتل کر دتا

وٹس ایپ تے فیس بک دی دن رات ورتوں، شوہر نے تنگ آ کے بیوی نوں قتل کر دتا

بھارت(پاکستان پوائنٹ نیوز17۔اپریل2018ء) وٹس ایپ تے فیس بک دی دن رات ورتوں، شوہر نے تنگ آ کے بیوی نوں قتل کر دتا۔ میڈیا رپورٹس مطابق بھارت دے علاقے گروگرام وچ 35ورھیاں دے ہاروم نامی شہری نوں بیوی نوں قتل کرن دے الزام وچ گرفتارکر لیا گیا اے۔ہاروم نے تفتیش دوران دسیا کہ اوہدی بیوی وٹس ایپ تے فیس بک اُتے لوکاں نال گلاں کرن وچ کئی گھنٹے لگی رہندی سی۔

ہاروم دا کہنا سی کہ اوہدا لکشمی نال 2006وچ ویاہ ہویا سی۔ ویاہ دے کُجھ سال بہت چنگے لنگھے تے فیر اوہنے اپنی بیوی نوں سمارٹ فون لے دتا۔ پر بیوی نے موبائل دی ورتوں نوں ودھا دتا۔ ہاروم نامی شہری داکہنا سی کہ لکشمی موبائل وچ لگے رہن دی وجہ توں مینوں ، بالاں تے میرے ماں پیو نوں ویلا نہیں دیندی سی۔ جیہدی وجہ توں میں اوہنوں قتل کر دتا۔