دمشق(پاکستان پوائنٹ نیوز13۔اپریل2018ء) شام اُتے امریکی حملا کدوں ہو سکدا اے، اہم ترین خبر آ گئی۔ ہن تیکر دی اطلاع مطابق امریکا تے اتحادی 48گھنٹیاں اندر شام اُتے حملا کر سکدے نیں۔ تفصیل مطابق شام وچ شہریاں اُتے کیمیائی حملیاں مگروں امریکا نے شام خلاف فوجی کارروائی دا فیصلا کیتا سی جیہدے اُتے روس نے وی جوابی کارروائی دا اعلان کیتا۔ایس ساری صورتحال نوں ساہمنے رکھدے ہوئے پینٹاگون تے وائٹ ہاؤس وچکار اختلافات پُھٹ پئے ۔
پینٹاگون دا کہنا سی کہ اجے حملے بارے کوئی فیصلا نہیں ہویا ۔ جیہدے توں لگدا اے کہ امریکا وچ وی سول ملٹری اختلافات پُھٹ پئے نیں۔پچھلے دیہاڑے اپنے اک بیان وچ وی ٹرمپ نے شام اُتے حملے دا ٹائم فریم دین توں معذرت کیتی سی ۔ پر تازہ اطلاع مطابق امریکا تے اتحادی 48گھنٹیاں اندر شام اُتے حملا کر سکدے نیں۔
