ریاض(پاکستان پوائنٹ نیوز10۔اپریل2018ء) سعودی کسٹمز حکام دا کہنا اے کہ حاجیاں نوں آب زم زم دی صرف اک بوتل لے جان دی اجازت ہوئے گی۔ حکام دا کہنا ا ے کہ فضائی سفر کرن والے فی مسافر نوں آب زم زم دی اک توں ودھ بوتل لے جان دی اجازت نہیں ہوئے گی۔ سعودی میڈیا مطابق محکمہ کسٹم ولوں جاری بیان وچ آکھیا گیا اے کہ فضائی سفر کرن والیاں نوں سعودی قانون مطابق آب زم زم دی صرف اک بوتل لے جان دی اجازت ہوئے گی۔
حکام دا کہنا اے کہ حاجیاں نوں ائر پورٹ اُتے خاص پیکنگ وچ آب زم زم دتا جاندا اے۔ اوہناں نے دسیا کہ آب زم زم دیاں ایہناں بوتلاں دا متھیا گیا وزن تے مطلوبہ مخصوص معیار ہونا ضروری اے۔ اجیہے مسافر جو آب زم زم دی اک توں ودھ بوتل لے جاندے نیں اوہ قانون دی خلاف ورزی کردے نیں۔ حکام نے آکھیا کہ کئی حاجی اپنے ملک واپس جان ویلے آب زم زم پلانٹ توں وکھ باہروں وی آب زم زم مُل لیندے نیں جو اصل آب زم زم نہیں ہوندا اوہدے وچ ملاوٹ کیتی جاندی اے ۔
