بھارتی ریاست آسام وچ وکھالویاں تے پولیس وچکار لڑائی‘ 2 بندے ہلاک‘ 40 زخمی

نویں دِلی(پاکستان پوائنٹ نیوز19۔ستمبر2016ء) بھارتی ریاست آسام وچ پولیس تے وکھالویاں وچکار لڑائی دے نتیجے وچ دو بندے ہلاک تے 40 زخمی ہو گئے۔ میڈیا رپورٹ دے مطابق بھارتی ریاست آسام وچ پولیس تے وکھالویاں وچکار لڑائی اوس ویلے ہوئی جدوں مقامی پولیس نے گڈی رانگا نیشنل پارک دا علاقا خالی کران لئی کارروائی کیتی۔ پولیس دے ایس اقدام اُتے وکھالوی بھوتر پئے،وکھالویاں ولوں پولیس نوں وَٹے وی مارے گئے جدکہ پولیس نے وکھالویاں اُتے قابو پان لئی شیلنگ کیتی، ہوائی فائرنگ وی کیتی گئی تے ایس دوران دو بندے ہلاک ہون دی تصدیق کیتی گئی اے جدکہ 40 بندے زخمی ہون دیاں اطلاعواں نیں۔