عمرہ زائرین دے ناں اہم پیغام: ویزے دی مدت ختم ہون اُتے واپس نہ جان والیاں خلاف سخت سزاواں دا اعلان

جدہ(پاکستان پوائنٹ نیوز24۔مارچ2018ء) عمرے لئی آن والے غیر ملکی جے ویزہ ختم ہون مگروں وی واپس نہ جان تے ایہ قانونی جرم اے تے ایہ جرم کرن والیاں نوں 6مہینے دی جیل دی سزا دے نال نال 50ہزار ریال جرمانہ دینا پئے گا۔سعودی محکمہ پاسپورٹ دا کہنا اے کہ جے عمرے اُتے آن والے زائرین ویزے دوران مکہ المکرمہ، مدینہ منورہ تے جدہ توں وکھ کسے دوجے شہر جان دی کوشش کردے ہوئے پھرے گئے تے اوہناں خلاف وی کارروائی ہوئے گی ۔سعودی محکمہ پاسپورٹ ولوں جاری اعلامیے وچ مقامی شہریاں نوں وی خبردار کیتا گیا اے کہ جے اوہناں نے کسے غیر ملکی نوں ویزے دی مدت ختم ہون اُتے ریاست وچ رکھیا یاں کسے قسم دی مدد دتی تے اوہناں نوں قانونی کارروائی دا ساہمنا کرنا پے سکدا اے۔