آؤندے سال پاکستان امریکا دے اثر و رسوخ توں نکل کے چین دے مدار وچ آ جائے گا:امریکی انٹیلی جنس ایجنسیاں دی رپورٹ

واشنگٹن(پاکستان پوائنٹ نیوز15۔فروری2018ء) امریکا دیاں 17انٹیلی جنس ایجنسیاں نے کانگریس نوں خبردار کیتا اے کہ 2019وچ پاکستان، ممکنہ طور اُتے امریکا دے اثر و رسوخ توں نکل کے چین دے مدار وچ آ جائے گا تے ایہ عمل جنوبی ایشیائی خطے وچ امریکا دے مفاداں لئی خطرے دی وجہ بنے گا۔ غیر ملکی خبر رساں ادارے مطابق امریکی انٹیلی جنس ایجنسیاں ولوں ایہ جائزہ اک سالانہ رپورٹ دا حصہ اے، جو امریکی نیشنل انٹیلی جنس دے ڈائریکٹر ڈینیل آرکوٹس نے سینیٹ انٹیلی جنس کمیٹی ساہمنے پیش کیتی جہدے وچ امریکی انٹیلی جنس کمیونٹی ولوں دنیا بھر دے خطریاں توں آگاہ کیتا گیا۔

امریکا دیاں 17ایجنسیاں دی ایس سانجھی رپورٹ وچ سینٹرل انٹیلی جنس ایجنسی (سی آئی ای) ڈیفنس انٹیلی جنس ایجنسی، فیڈرل بیورو آف انویسٹی گیشن (ایف بی آئی) تے نیشنل سکیورٹی ایجنسی دی رپورٹ شامل اے۔ رپورٹ وچ پاکستان بارے ایجنسیاں نے الزام لایا اے کہ پاکستان ولوں نویں ایٹمی ہتھیار بنان، عسکریت پسنداں نال تعلقات برقرار رکھن، انسدا ددہشت گردی دے تعاون نوں روکن تے چین نال قریبی تعلقات امریکی مفاداں لئی خطرے دی وجہ بنن گے۔