بھارتی ریاست اتر پردیش دے وزیر اعلا دا نوجواناں نوں مفت سمارٹ فون دین د ااعلان

بھارتی ریاست اتر پردیش دے وزیر اعلا دا نوجواناں نوں مفت سمارٹ فون دین د ااعلان

ممبئی(پاکستان پوائنٹ نیوز07۔ستمبر2016ء) بھارتی ریاست اتر پردیش دے وزیر اعلا کلیش یادیو نے دو لکھ رُپئے توں گھٹ سالہوار آمدنی رکھن والے خانداناں دے سارے نوجواناں نوں مفت سمارٹ فونز دین دا اعلان کر دِتا۔ بھارتی ٹی وی دے مطابق کلیش یادیو دی سماج وادی پارٹی دی حکومت دا اک بیان وچ کہنا سی کہ ایہ سمارٹ فونز غریب نوجواناں نوں حکومتی منصوبیاں تے پالیسیاں توں جانو رکھن دا کم کرن گے۔

اوہناں نے دسیا کہ جو نوجوان مفت فون دا خاہشمند ہووے گا اوہنوں آئن لائن رجسٹریشن کروانی ہووے گی جدکہ رجسٹریشن دا آغاز اگلے مہینے توں کر دِتا جائے گا۔بھارتی میڈیا دا ایس حوالے نال کہنا اے کہ ایہ اعلان اودوں سامنے آیا اے جدوں اگلے ورھے دے شروع وچ الیکشن ہون والے نیں تے ایہ پہلی وار نہیں کہ کلیش یادیو نے جدید ڈیوائسز نوں ووٹراں دی توجہ حاصل کرن لئی ورتیا اے بلکہ 2011 دے الیکشن وچ کامیابی دے بعد 2012 وچ اوہناں نے مفت لیپ ٹاپ ونڈن دا اعلان وی کیتا سی ۔