جدہ: غیر قانونی حاجیاں نوں 24 گھنٹیاں دے اندر اندر سزا دِتی جائے گی

جدہ: غیر قانونی حاجیاں نوں 24 گھنٹیاں دے اندر اندر سزا دِتی جائے گی

جدہ(پاکستان پوائنٹ نیوز07۔ستمبر2016ء) سعودی سکیورٹی حکام دے مطابق غیر قانونی طور اُتے حج کرن والیاں نوں 24 گھنٹیاں دے اندر اندر سزا دین دا فیصلا کیتا گیا اے۔ غیر قانونی حاجیاں نوں سزا تے جرمانے دا فیصلا کرن لئی وکھ سسٹم تیار کیتا گیا اے۔ جہدے وچ صرف غیر قانونی طریقے نال حج کرن والیاں لئی سزاواں دا تعین کیتا جائے گا۔ ایس توں وکھ اوہ بندے جو غیر قانونی حج کروان دے کاروبار وچ ملوث ہون گے اوہناں نوں وی 24 گھنٹیاں اندر سزا دِتی جائے گی۔ یاد رہوے کہ سعودی عرب وچ مقامی تے غیر ملکی شہری مختلف بندیاں نوں غیر قانونی طریقے نال حج کرن وچ مدد دیندے نیں جدکہ اِنج دے حاجیاں نوں روکن لئی ہُن سعودی حکومت ولوں سخت اقدامات کیتے گئے نیں۔