بھارت نے کلبھوشن دا پول کھولن والے اپنے ای پرچاکار دی خبر نوں من گھڑت قرار دے دتا

بھارت نے کلبھوشن دا پول کھولن والے اپنے ای پرچاکار دی خبر نوں من گھڑت قرار دے دتا

نویں دِلی(پاکستان پوائنٹ نیوز05۔فروری2018ء) بھارت نے کلبھوشن دا پول کھولن والے اپنے ای پرچاکار دی خبر نوں من گھڑت قرار دے دتا اے۔ تفصیل مطابق بھارت نے کلبھوشن دا پول کھولن والے اپنے ای پرچاکار دی خبر نوں من گھڑت قرار دتا اے۔ بھارت نے اک پرچا کار دے کلبھوشن بارے دعویاں نوں رد کیتا اے۔ پرچاکار نے اک رپورٹ وچ آکھیا سی کہ پاکستانی جیل وچ قید کلبھوشن بھارتی جاسوس اے۔

پرچا کار پراوین سوامی نے بھارتی انگریزی رسالے ’فرنٹ لائن‘ لئی لکھی گئی رپورٹ وچ آکھیا کہ یادیو بھارتی بحریہ دا حاضر سروس افسر اے۔ پر اوہدا ریکارڈ حذف کیتا گیا اے۔ تے اوہ اک جعلی پاسپورٹ راہیں ایران گیا سی پر وزارت خارجا نے ایس خبر نوں من گھڑت قرار دیند ے ہوئے اُلٹا اوہدی ساکھ اُتے سوال چُکے نیں۔ چیتے رہوے کہ کلبھوشن یادیو ایس ویلے پاکستانی جیل وچ قید اے۔ کلبھوشن یادیو پاکستان وچ جاسوسی کردا سی ۔ کلبھوشن دی وجہ توں کئی بے گناہ پاکستانیاں دا خون ہویا۔