تہران(پاکستان پوائنٹ نیوز02۔فروری2018ء) آرمی چیف جنرل قمر جاوید باجوہ دے ایران دے دورے مگروں ایران وی پاکستان دی زبان بولن لگا۔ ایران نے کشمیر وچ ہون والے بھارتی ظلماں اُتے بنی فلم نوں بھارتی اعتراضاں مگروں نمائش دی اجازت دے دتی ۔ تفصیل مطابق پاکستان نے سفارتی محاذ اُتے اک ہور شاندار کامیابی حاصل کیتی اے۔ آرمی چیف جنرل قمر جاوید باجوہ دے ایران دے دورے مگروں ایران وی پاکستان د ی زبان بولن لگا اے۔
ایرانی شہر مشہد وچ کشمیر وچ ہون والے بھارتی ظلماں اُتے بنی فلم دی نمائش ہون والی سی کہ بھارت نے فلم دی نمائش روکن لئی درخاست دے دتی پر ایرانی حکومت نے بھارتی درخاست نوں رد کردے ہوئے بھارت مخالف فلم نوں نمائش دی اجازت دے دتی اے۔ ایرانی شہر مشہد وچ ایرانیاں دی وڈی گنتی نے بھارت مخالف فلم نوں ویکھیا۔
