نویں دِلی(پاکستان پوائنٹ نیوز30۔جنوری2018ء) بھارت وچ ملالہ یوسفزئی دیاں تصویراں لگ گئیاں۔ تفصیل مطابق وادی سوات دی ملالہ یوسفزئی جو طالبان دیاں گولیاں دا نشانہ بنی ، اجکل لندن وچ اے۔ ملالہ دنیا بھر دیاں سوانیاں لئی اک مثال بن گئی اے۔ ایسے طرحاں پاکستان تے بھارت وچکار کئی جھیڑیاں مگروں اوہدیاں تصویراں بھارتی کندھاں اُتے وی لگ گئیاں نیں۔
ملالہ دی تصویر لتا منگیشکر، امرتا پریتم، کلپنا چاولہ، پی ٹی اوشا تے میری کام نال کندھ اُتے پینٹ کیتی گئی اے۔ پیٹنگ کرن والے ایشور ماہی مطابق اوہناں نے ایہناں تصویراں دا چناؤ آپ کردے ہوئے ضلعی انتظامیہ توں اجازت لئی۔ کندھاں اُتے ایس قسم دی پینٹنگ کرن دا تصور ڈپٹی کمشنر گنشام توری دا سی۔ بھارت وچ ملالہ نوں لوک اوہناں دی تعلیم دے حق وچ گل بات کرن دے حوالے نال جاندے نیں۔
