نویں دِلی(پاکستان پوائنٹ نیوز20۔جنوری2018ء) اسرائیلی وزیر اعظم نیتن یاہو نے آکھیا اے کہ اسیں پاکستان دے دشمن نہیں، اوہ وی سانوں دشمن نہ سمجھے۔ تفصیل مطابق اسرائیلی وزیر اعظم نیتن یاہو ایس ویلے بھارت دے دورے اُتے نیں۔ ایس دوران اوہناں نے بھارت نال کئی سمجھوتیاں اُتے دستخط کیتے۔ اوہناں خلاف بھارت دے کُجھ شہراں وچ وکھالے وی جاری نیں۔ اسرائیلی وزیر اعظم نے ایس موقعے تے آکھیاکہ اسیں پاکستان دے دشمن نہیں ایس لئی پاکستان وی ساڈے نال دشمناں ورگا سلوک نہ کرے۔
پر ایہدے نال نال اسرائیلی وزیر اعظم بھارت دی زبان بولنا وی نہ بھلے ۔ اسرائیلی وزیر اعظم دا کہنا سی کہ بھارت نوں لائن آف کنٹرول اُتے اوہناں دہشت گرداں خلاف کارروائی کرنی پئے گی جہناں نوں اقوام متحدہ دہشت گرد قرار دے چکی اے۔
