ہریانہ(پاکستان پوائنٹ نیوز20۔جنوری2018ء) 12ویں جماعت دے پڑھیار نے سکولوں کڈھے جان اُتے پرنسپل نوں گولیاں مار کے قتل کر دتا اے۔ تفصیل مطابق بھارت دے شہری ہریانہ وچ اک مشہور سکول وچ 12ویں جماعت دے پڑھیار نے سکولاں معطل کیتے جان اُتے اپنے سکول دی پرنسپل نوں گولی مار کے قتل کر دتا۔ پڑھیار نے اپنے ماں پیو تے پرنسل ریتو چابرا وچکار ہون والی میٹنگ دوران اپنی پرنسپل نوں گولیاں ماریاں۔
جہدے مگروں سکول دی پرنسپل نوں ہسپتال منتقل کیتا گیا پر اوہ ڈاڈھے زخماں کارن ہلاک ہو گئی۔ پڑھیار نے ایس موقعے تے سکولوں نسن دی کوشش کیتی پر سکول دے عملے نے اوہنوں پھڑ کے پولیس دے حوالے کر دتا۔ پولیس دا کہنا اے کہ واردات وچ جو پستول ورتیا گیا اوہ پڑھیار دے والد دا اے ۔ پولیس دا ہور کہنا اے کہ خدشہ اے کہ پڑھیار نوں اپنے کسے بیلی ولوں مدد ملی ہوئے ۔
