20 گروپ دے سربراہ اجلاس وچ بھارتی وزیر اعظم دی چینی صدر نال ملاقات،

بھارتی وزیر اعظم نے ملاقات وچ اپنے تحفظات دا اظہار کیتا اے: بھارت

20 گروپ دے سربراہ اجلاس وچ بھارتی وزیر اعظم دی چینی صدر نال ملاقات،
بھارتی وزیر اعظم نے ملاقات وچ اپنے تحفظات دا اظہار کیتا اے: بھارت

پجنگ(پاکستان پوائنٹ نیوز05۔ستمبر2016ء) بھارتی وزیر اعظم نریندر مودی نے ہوانگ ژو وچ ہون والی 20 سربراہ کانفرنس وچ رلت کیتی۔ کانفرنس دے بعد بھارتی وزیر اعظم نریندر مودی نے چینی صدر شی چنگ پنگ نال ملاقات وی کیتی جہدے وچ اوہناں نے چینی صدر نوں پاک چین اقتصادی راہداری منصوبے اُتے اپنے تحفظات دا اظہار کیتا۔ ملاقات وچ بھارتی وزیر اعظم دا کہنا سی کہ بھارت تے چین نوں اپنے مفاداں لئی سٹریٹجک تے حساس ہون دی لوڑ اے۔

بھارتی وزیر اعظم نے پاکستان توں ہون والی دہشت گردی بارے وی چینی صدر نوں اپنے تحفظات بارے آگاہ کیتا۔ بھارتی وزارت خارجا دے ترجمان ویکاس سوارپ نے دسیا کہ مودی نے ملاقات وچ آکھیا کہ دوویں ملک (بھارت تے چین) نوں اک دوجے دے تحفظات تے سٹرٹیجک تعلقات دا خیال رکھنا ہوئے گا۔ دہشت گردی دے معاملے اُتے سوال دے جواب وچ ویکاس نے دسیا کہ بھارتی وزیر اعظم تے چینی صدر دی ملاقات وچ دہشت گردی دا معاملا وی چُکیا گیا ۔ جدکہ چینی صدر نے بھارتی وزیراعظم نال ملاقات دے دوران آکھیا کہ دوویں ملکاں دے آپسی وچ تعلقات نوں ہور فروغ دین لئی چین بھارت نال کم کرن دا وی خاہشمند اے۔