نیویارک (پاکستان پوائنٹ نیوز23۔دسمبر2017ء) امریکی اخبار ’وال سٹریٹ جنرل‘ نے انکشاف کیتا اے کہ سعودی حکام نے گرفتار شہزادے ولید بن طلال دی رہائی لئی مبینہ طور اُتے 6ارب ڈالر دا مطالبہ کیتا اے۔ 62ورھیاں دا شہزادہ کرپشن دے الزام کارن گرفتار اے۔ امریکی اخبار مطابق شہزادہ طلال دے قریبی دوستاں نے سعودی حکام دے مطالبے بارے دسیا۔ اخبار مطابق شہزادہ طلال رہائی دے بدلے وڈی قیمت دین نوں تیار اے، شہزادے نوں ریاض دے شاہی ہوٹل وچ رکھیا گیا اے۔
چیتے رہوے کہ طلال دنیا دا 57واں امیر ترین بندہ اے۔ امریکی رسالے ’فورنر‘ نے اوہناں دی دولت دا تخمینہ 18ارب ڈالر لایا اے۔ سعودی عرب دے ولی عہد شہزادہ محمد بن سلمان دی کرپشن خلاف مہم وچ پچھلے مہینے 62ورھیاں دے شہزادے طلال سنے کئی اہم شخصیتاں نوں گرفتار کیتا گیا سی۔
