سعودی عرب نے 2018وچ سینما کھولن دی اجازت دے دتی

سعودی عرب نے 2018وچ سینما کھولن دی اجازت دے دتی

ریاض(پاکستان پوائنٹ نیوز11۔دسمبر2017ء) سعودی عرب نے 2018وچ سینما گھر کھولن دا اشارا دے دتا اے۔ سعودی حکام مطابق ملک بھر وچ پبلک سینما دی اجازت ہوئے گی۔تفصیل مطابق پہلی وار سعودی عرب وچ سینما گھر آؤندے سال دے شروع توں ای لوکائی لئی کھولے جان گے۔ وزیر برائے ثقافت و معلومات اواد بن صالح اواد نے اپنے اک بیان وچ آکھیا کہ آڈیو ویژول میڈیا دے جنرل کمیشن نے بطور انڈسٹری ریگولیٹر ملک بھر وچ سینما دے لائسنس دینے شروع کر دتے نیں۔

ممکنہ طور اُتے پہلا سینما مارچ 2018وچ کھول دا جائے گا۔ یاد رہوے کہ اکتو بر 2017دے آخیر وچ ریاض وچ اک ’مووی نائٹ‘ دا آہر کیتا گیا، جہنوں سعودی عرب وچ سینما گھراں اُتے لگی پابندی ختم ہون دا اشارا قرار دتا گیا۔ ایہدے مگروں حکومت ولوں سوانیاں نوں گڈی چلان دی اجازت دتی گئی۔