مکہ مکرمہ(پاکستان پوائنٹ نیوز11۔دسمبر2017ء) سیرت طیبہ دے تاریخی مقام تے مکہ مکرمہ دی تاریخ دے سکالر ڈاکٹر سمیر احمد برقہ نے واضح کیتا اے کہ مطاف تے مسجد الحرام دے احاطے وچ آب زمزم توں وکھ ہور28کُھوہ سن۔ سوشل میڈیا اُتے آن والی ویڈیو دے جواب وچ آکھیا گیا اے کہ مسجد الحرام وچ آب زمزم دا کوئی نواں کُھوہ دریافت نہیں ہویا تے ایس حوالے نال سوشل میڈیا اُتے آن والی ویڈیو ٹھیک نہیں اے۔
اوہناں نے دسیا کہ مکہ دے مورخ، آبی وسیلے تے ہور ماہر اپنیاں کتاباں وچ لکھ چکے نیں کہ مطاف و مسجد الحرام دا احاطہ زمین ہیٹھ آبی ذخائر نال مالا مال اے۔ مسجد الحرام وچ آب زمزم دے کُھوہ توں وکھ ہور 28 کُھوہ نیں۔ آب زمزم دے کُھوہ نیڑے تن کھوہ دی موجودگی دی بُہتی آس اے جو آب زمزم دے کھوہ توں 80توں 100میٹر دور نیں۔
