واشنگٹن(پاکستان پوائنٹ نیوز11۔دسمبر2017ء) پاک وامریکا وچکار افغان مسئلے دے حل لئی سانجھے مفاداں دی بھال جاری اے۔ امریکا و پاکستانی حکام دا کہنا سی کہ ہن اسیں الزاماں دے مرحلے توں باہر آ گئے آں تے ساڈا مقصد سفارتی عمل راہیں مسئلیاں دا حل لبھنا اے۔ حکام نے دسیا کہ دوویں ملکاں وچکار ملاقات دا سلسلا جیمز میٹس دے اسلام آباد دے دورے توں پہلاں ای شروع ہو گیا سی جہدی وجہ توں تعلقات وچ بہتری دی آس اے۔
پاکستانی سفیر اعزاز احمد نے واشنگٹن وچ پاکستانی میڈیا نال گل بات کردے ہوئے ہوئے آکھیا سی کہ امریکا دے سیکرٹری سٹیٹ جیمز میٹس دی پاکستان آمد نے دو پاسی تعلقات اُتے چنگا اثر پایا اے۔ یاد رہوے کہ پینٹاگون دے ترجمان ڈانا وائٹ نے پچھلے ہفتے میڈیا نوں بریفنگ دیند ے ہوئے آکھیا کہ سی جیمس میٹس پاکستان وچ سانجھے مفاداں دی بھال وچ گئے سن۔
اوہناں دا کہنا سی کہ ایہ پاکستان، امریکا تے خطے دے ہور ملکاں دے فائدے وچ اے کہ اسیں افغانستان وچ نویں سیاسی مصالحت چاہندے آں تے اوہدے لئی اسیں پاکستان نال رلکے سانجھی حکمت عملی بنان لئی کوششاں وچ آں۔ امریکی میڈیا وچ چلن والیاں خبراں وچ ہور آکھیا گیا سی کہ پاکستان ولوں وی امریکا اُتے الزام لان توں پرہیز کیتا گیا اے۔ یاد رہوے کہ امریکا پاکستان اُتے حقانی نیٹ ورک نوں محفوظ ٹھکانے دین دے الزام لاؤندا ا ے۔
