دبئی: کالے دھندے وچ ملوث 2 پاکستانی کُڑیاں عدالت وچ پیش

دبئی: کالے دھندے وچ ملوث 2 پاکستانی کُڑیاں عدالت وچ پیش

دبئی(پاکستان پوائنٹ نیوز(01۔ستمبر2016ء) دبئی وچ کالے دھندے وچ ملوث دو پاکستانی کُڑیاں نوں عدالت وچ پیش کر دِتا گیا جدکہ اوہناں نوں نوکری دے بہانے متحدہ عرب امارات لیجاکے جسم فروشی دے اڈے اُتے بٹھان والے اک جوڑے نوں وی گرفتار کرلِتا گیا اے پر ایس جوڑے نے کُڑیاں نوں پہچانن توں انکار کر دتا جہدے بعد ہور تفتیش لئی سنوائی ملتوی کر دِتی گئی تے کُڑیاں نوں ابوظہبی شیلٹر وچ منتقل کر دِتا گیا اے۔

میڈیا رپورٹ دے مطابق دبئی وچ کالے دھندے وچ ملوث دو پاکستانی کُڑیاں نوں عدالت وچ پیش کر دِتا گیا جدکہ اوہناں نوں نوکری دے بہانے متحدہ عرب امارات لے جا کے جسم فروشی دے اڈے اُتے بٹھان والے اک جوڑے نوں وی گرفتار کرلِتا گیا اے۔ عدالت وچ پیش ہون والی 20 ورھیاں دی کُڑی نے دسیا کہ اوہنوں اک سوانی نے شارجہ دے اک بیوٹی سیلون وچ کم دے بہانے بُلایا پر جویں ای ائر پورٹ پہنچی تے سوانی اوہنوں اک فلیٹ وچ لے گئی جِتھے اوہنوں قید کر دِتا گیا۔ کُڑی نے دسیا کہ ایہدے اُتے تشدد کیتا گیا تے سوانی دے ہور مرد ساتھیاں نے ایہدے نال زیادتی کیتی۔جدکہ ایہدے نال نال ہور مرداں نوں وی بُلایا گیا ایس فلیٹ اُتے جہناں میرے نال زیادتی کیتی۔