سعودی حکومت نے گرفتار شہزادیاں نوں اثاثیاں توں دستبردار ہون دی شرط تے رہا کرن دی پیشکش کر دتی

ریاض(پاکستان پوائنٹ نیوز17۔نومبر2017ء) سعودی حکومت نے گرفتار شہزادیاں نوں اثاثیاں توں دستبردار ہون دی شرط تے رہا کرن دی پیشکش کر دتی اے۔ تفصیل مطابق سعودی عرب وچ گرفتار کیتے گئے شہزادیاں دی رہائی لئی کوششاں تیز کر دتیاں گئیاں نیں۔ سعودی حکومت نے گرفتار شہزادیاں نوں اثاثیاں توں دستبردار ہون دی شرط تے رہا کرن دی پیش کش کر دتی اے۔ ایس حوالے نال عرب میڈیا دا دعوا اے کہ سعودی حکام گرفتار شہزادیاں دے اثاثیاں دا جائزہ لے رہے نیں۔ سعودی حکام گرفتار شہزادیاں دے بنک اکاؤنٹس وچ موجود رقم نوں اثاثیاں توں وکھ کر رہے نیں۔ ایہ وی پتا لگا اے کہ گرفتار کاروباری بندیاں دے بنک اکاؤنٹس توں کروڑاں سعودی ریال کڈھوائے گئے نیں۔