پاک چین سرحد دی نگرانی لئی بھارت سرکار فوج نوں 600ڈرون جہاز دیوے گی

پاک چین سرحد دی نگرانی لئی بھارت سرکار فوج نوں 600ڈرون جہاز دیوے گی

نویں دِلی(پاکستان پوائنٹ نیوز13۔نومبر2017ء) بھارت لائن آف کنٹرول‘ لائن آف ایکچول کنٹرول‘ ورکنگ باؤنڈری تے پاکستان نال جُڑی قومانتری سرحد دی نگرانی لئی ڈرون جہاز وی ورتے گا، ایس سلسلے وچ بھارتی فوج نوں چھیتی ای 600ڈرون جہاز دتے جان گے۔ بھارتی اخبار مطابق تقریبن 950کروڑ رُپئے دی لاگت نال مُل لِتے جان والے ایہ ڈرون اگلیاں چوکیاں اُتے تعینات سبھ بٹالین نوں دتے جان گے۔

چار توں پنج ہزار میٹر اُچیائی تیکر اُڈان بھرن والے ایہ ڈرون تقریبن 10 کلو میٹر دے گھیرے وچ چپے چپے اُتے نظر رکھن گے تے بٹالین کمانڈر نوں اوہناں دی لگاتار تصویاں گھلن گے۔ایس توں وکھ انسداد دہشت گردی آپریشن وچ رُجھے نیشنل رائفلس نوں وی ایہ ڈرون دتے جان گے۔ بھارتی اخبار مطابق سکم دے سرحدی علاقے ڈوکلام وچ چینی فوج نال پچھلے دِناں ای ہون والے سرحدی جھیڑے کارن انفنیٹری بٹالین نوں ڈرون جہاز دین دا فیصلا کیتا گیا اے۔