اسامہ بن لادن دے پُتر دی اپنے چاہیواناں توں بغاوت دی اپیل

دبئی(پاکستان پوائنٹ نیوز08۔نومبر2017ء) القاعدہ دے مقتول سربراہ اسامہ بن لادن دے پُتر حمزہ نے اپنے منن والیاں نوں آکھیا اے کہ امریکی ایجنٹاں خلاف اُٹھ کھلوو تے لوکائی نوں جگاؤ، بغاوت لئی تیار ہو جاؤ۔ میڈیا رپورٹس مطابق حمزہ نے ایہ بیان اک تقریر دوران دتا ، جہنوں القاعدہ دے السحاب میڈیا فاؤنڈیشن نے جاری کیتااے۔ حمزہ نے مسلماناں اُتے زور دتا کہ اوہ امریکیاں توں اوہناں دے والد و القاعدہ دے بانی دی موت دا بدلا لین۔ حمزہ نے اپنے چاہیواناں نوں دسیا کہ میں جمہوریت نوں نہیں مندا۔ اوہناں دا کہنا سی کہ بیلٹ باکس وچ پائے گئے بیکار کاغذاں دی مدد نال آزادی نہیں لبھ سکدی۔