ممبئی(پاکستان پوائنٹ نیوز07۔نومبر2017ء) بھارت وچ اکثر ویکھن نوں آیا اے کہ پرانی سوچ کارن دھیاں دے جنم نوں چنگا نہیں سمجھیا جاندا، اجے تیکر کُجھ لوک ان پڑھ ہون کارن پُتر دے پیدا ہون دی خاہش کردے نیں ، جے دھی ہو جائے تے قصور وار ماں نوں آکھیا جاندا اے جہدے مگروں ساری عمر ماں تے دھی نوں خاندان بھر دیاں گلاں سُننیاں پیندیاں نیں۔ پر پچھلے دناں ای بھارتی ڈاکٹر نے اک اجیہی کُڑی دی کہانی سماجی رابطے دی ویب سائٹ فیس بک اُتے پوسٹ کیتی اے جہنوں پڑھ کے ہر کوئی ایہ آکھن اُتے مجبور ہو گیا اے کہ ’بیٹیاں بے کار نہیں ہوندیاں‘۔
اپنی فیس بک پوسٹ وچ ڈاکٹرنے آکھیا کہ جو لوک آکھدے نیں کہ دھیاں بے کار ہوندیاں نیں اوہناں نوں میں دس دیواں کہ میں اک اجیہی کُڑی نوں جاننا واں جو اصل ہیرو اے۔ جہنے اپنے پیو دی جان بچان لئی اپنا جگر ٹرانسپلانٹ کیتا۔ اپنی پوسٹ وچ ڈاکٹر دا کہنا سی کہ اجیہیاں دھیاں اُتے فخر اے، تے اجیہیاں دھیاں توں سکھن دی ضرورت اے۔ ایہ کہانی سوشل میڈیا اُتے وائرل ہوگئی اے۔ والد دی زندگی بچان لئی جگر ٹرانسپلانٹ کرن والی پوجا دی سوشل میڈیا ورتیندڑاں ولوں حوصلہ افزائی کیتی جار رہی اے۔
