استنبول(پاکستان پوائنٹ نیوز27۔اگست 2016ء) وزیر اعلا پنجاب میاں شہباز شریف نے آکھیا اے کہ پاکستانی معیشت وچ استحکام تے بہتری آئی اے، توانائی بحران اُتے 2017 دے آخیر تیکر قابو پا لواں گے۔ ہفتے نوں وزیر اعلا پنجاب میاں شہباز شریف نے ترک سرمایا کار کمپنیاں تے بزنس ہاؤسز دے سربراہواں نال ملاقات کیتی جہدے وچ ترک سرمایا کاراں نے پاکستان خاص کر پنجاب وچ سرمایا کاری وچ دلچسپی دا وکھالا کیتا۔
ملاقات دے دوران وزیر اعلا پنجاب میاں شہباز شریف نے ترک سرمایا کاراں نوں پاکستان وچ سرمایا کاری دی دعوت دِتی۔ ایس موقع اُتے شہباز شریف نے آکھیا کہ پاکستان تے خاص کر پنجاب وچ سرمایا کاری دے کئی موقع موجود نیں۔ ترک بھراواں دی سرمایا کاری اُتے اوہناں دا دِلوں سواگت کردے آں۔ اوہناں نے آکھیا کہ غیر ملکی سرمایا کاراں نوں خاص سہولتاں دِتیاں جان گیاں۔شہباز شریف دا کہنا سی کہ پاکستان پہلے توں کدھرے زیادہ محفوظ تے پر امن ملک اے۔ پاکستان دی معیشت وچ استحکام تے بہتری آئی اے۔ توانائی بحران اُتے 2017 دے آخیر تیکر قابو پا لواں گے۔
