برما(پاکستان پوائنٹ نیوز12۔اکتوبر2017ء) سوشل میڈیا اُتے برمی خاندان دی تصویر وائرل ہو گئی اے ، تصویر وچ اک 7ورھیاں دا روہنگیا بال بھین نوں چُک کے بنگلا دیش ول حجرت کررہیا اے۔ تفصیل مطابق برما وچ روہنگیا مسلمان اُتے ظلماں مگروں ہزاراں خاندان برما چھڈ کے بنگلا دیش ہجرت کرن اُتے مجبور ہو گئے نیں۔ ایہ نقل مکانی کسے دُکھ توں گھٹ نہیں پر روہنگیا خاندان ہمت دی تصویر بنے ایس سارے عمل نوں برداشت کر رہے نیں۔
ایس دوران کُجھ اجیہے منظر وی ساہمنے آ رہے نیں، جہناں نوں ویکھ کے عجیب جہیا احساس پیدا ہوندا اے۔ کُجھ دن پہلے اجیہے ای اک نوجوان دی تصویر سوشل میڈیا اُتے وائرل ہوئی سی جو اپنے ماں پیو نوں اپنے موڈھیاں اُتے چُک کے برما دی سرحد پار کر رہیا سی۔ پر پچھلے دناں ای اک 7ورھیاں دے بال دی تصویر وی سوشل میڈیا اُتے وائرل ہو گئی اے جہدے وچ 7ورھیاں دا بال اپنی نِکی بھین نوں موڈھیاں تے چُکے بنگلا دیش جا رہیا اے۔
