واشنگٹن(پاکستان پوائنٹ نیوز06۔اکتوبر2017ء) امریکی میڈیا دا کہنا اے کہ پاک فوج دے سربراہ جنرل قمر جاوید باجوہ دے دورہ افغانستان دے بعد پاک افغان تعلقات وچ بہتری دے اشارے مل رہے نیں، افغان صدر چھیتی ای پاکستان دا دورہ کرن والے نیں پر ایس بارے اجے تاریخ طے نہیں ہو سکی۔ امریکی نشریاتی ادارے دی رپورٹ مطابق پاک افغان تعلقات وچ بہتری دیاں کوششاں جاری نیں۔
پچھلے ہفتے پاکستانی فوج دے سربراہ جنرل قمر جاوید باجوہ دے دورہ کابل مگروں آس کیتی جا رہی اے کہ افغان صدر اشرف غنی وی اسلام آباد دا روہ کرن گے۔ امریکی میڈیا مطا بق پاکستان وچ بھاویں سرکاری طور اُتے ایس دورے دی کوئی تفصیل تے نہیں دسی گئی پر وزارت خارجا دے وسیلیاں دا کہنا اے کہ افغان صدر اشرف غنی دے دورہ پاکستان دی آس اے۔ ایس بارے کوئی اجے تاریخ طے نہیں ہوئی۔ دوجے پاسے افغانستان دے صدارتی محل دے ترجمان مطابق صدر اشرف غنی دے دورہ پاکستان بارے اطلاع دے حوالے نال آکھیا گیا کہ ایس ویلے افغان صدر دا دورہ پاکستان ایجنڈے وچ شامل نہیں اے۔
