اسلام آباد(پاکستان پوائنٹ نیوز22۔ستمبر2017ء) پاکستان وچ سعودی عرب دے سفیر نواف سعید احمد المالکی دا کہنا اے کہ سعودی عرب چھیتی ای گوادر پورٹ وچ سرمایہ کاری کر کے پاک چین اقتصادی راہداری (سی پیک) دا حصہ بن جائے گا۔ نواف سعید احمد المالکی دا اک انٹرویو وچ کہنا سی کہ سعودی عرب تے پاکستان وچکار ’برادرانہ و تجارتی تعلقات‘ نوں پکیاں کرن لئی کم کر رہے آں۔
سعودی سفیر نے آکھیا کہ سعودی عرب دی ترقی و استحکام لئی 30لکھ توں ودھ پاکستانی اپنا کردار ادا کر رہے نیں۔ اوہناں دا کہنا سی کہ سعودی عرب سی پیک وچ سرمایہ کاری نال پاکستان نوں مضبوظ کرن وچ کردار ادا کرے گا۔ پاک سعودیہ تعلقات دے حوالے نال اوہناں دا کہنا سی کہ ثقافتی وفود دے وٹاندریاں نال پاکستان تے سعودی عرب وچکار تعلقات پکے ہون گے۔
