اردگان ورگے لیڈر نال ملاقات میرے لئی فخر دی گل اے: ٹرمپ

اردگان ورگے لیڈر نال ملاقات میرے لئی فخر دی گل اے: ٹرمپ

نیویارک(پاکستان پوائنٹ نیوز22۔ستمبر2017ء) ترکی دے صدر رجب طیب اردگان نے نیو یارک وچ امریکی صدر ڈونلڈ ٹرمپ نال ملاقات کیتی۔ ملاقات دوران علاقائی مسئلیاں دے پرامن حل لئی تعاون دی ودھوتری بارے گل بات کیتی گئی۔ خبر رساں ادارے مطابق دوویں رہنماواں وچکار ملاقات دوران عالمی دہشت گرد تنظیماں خلاف کارروائی لئی اتفاق کیتا گیا۔ دوویں رہنماواں نے 25ستمبر نوں ہون والے شمالی عراقی انتظامیہ وچ مجوزہ ریفرنڈم دی مخالفت کردے ہوئے اوہدے خطرناک نتیجے برآمد ہون دی نشان کاری کیتی۔

ملاقات مگروں امریکی صدر ڈونلڈ ٹرمپ نے آکھیا کہ ترک صدر اردگان نال ملاقات میرے لئی فخر دی گل سی کیونکہ اوہ اک اجیہے لیڈر نیں جو بہت حساس علاقے وچ واقع اے۔ امریکی صدر دا کہنا سی کہ ترکی تے امریکا وچکار ڈونگھی دوستی اے۔ ساڈے وچکار سیاست سنے ذاتی نوعیت دے تعلقات وی بن گئے نیں۔