جلدی پاکستان توں نمبر 1 پوزیشن کھوہ لواں گے: ویرات کوہلی

نویں دِلی(پاکستان پوائنٹ نیوز24۔اگست 2016ء) بھارتی ٹیسٹ کپتان ویرات کوہلی نے آکھیا اے کہ رینکنگ لئی نہیں کھیڈے، ایہ بس وقتی فائدا اے جدکہ پاکستان توں نمبر ون پوزیشن واپس کھوہ لواں گے۔ میڈیا نال گل بات کردے ہوئے ویرات کوہلی دا کہنا سی کہ پاکستان نے آخری میچ جِتیا تے اسیں ڈرا کیتا ایس لئی رینکنگ آن والے دناں وچ فیر بدل جاوے گا ۔ اوہناں دا کہنا سی کہ پوائنٹس ٹیبل دی صورتحال نوں جاننا واں جو بہت نیڑے اے۔ اوہناں نے آکھیا کہ اسیں ہر میچ جِتن لئی کھیڈدے آں۔ یاد رہوے کہ ویست انڈیز خلاف آخری ٹیسٹ میچ ڈرا ہون پاروں بھارت ٹیسٹ رینکنگ وچ پہلی پوزیشن توں محروم ہو گیا سی جو ہُن پاکستان کول اے۔