بھارت: بے رحم ماں نے رشتے داراں نال رلکے 6مہینیاں دی بالڑی دیاں اکھاں وچ تیزاب پا دتا

بھارت: بے رحم ماں نے رشتے داراں نال رلکے 6مہینیاں دی بالڑی دیاں اکھاں وچ تیزاب پا دتا

نویں دِلی(پاکستان پوائنٹ نیوز20۔ستمبر2017ء) بے رحم ماں نے رشتے داراں نال رلکے 6مہینیاں دی بالڑی دیاں اکھاں وچ تیزاب پا دتا۔ جہدے مگروں بالڑی دی نظر ہمیشہ لئی ختم ہو سکدی جدکہ ڈاکٹر اوس بالڑی نوں بچان لئی جتن کر رہے نیں۔ بھارتی میڈیا نے پولیس دے حوالے نال دسیا کہ جیانتا چکرا بورٹی نامی پینڈو بالڑی نوں خطرناک حالت وچ مقامی ہسپتال لیاندا گیا جتھے اوہنے ڈاکٹراں نوں دسیا کہ خاندانی جھیڑے اُتے ماں تے رشتے داراں نے میریاں اکھاں وچ تیزاب پا دتا۔ ڈاکٹراں نے چیک کرن مگروں دسیا کہ بالڑی دی سجی اکھ پوری طرحاں خراب ہو گئی اے جدکہ کھبی اکھ دا انفکیشن پورے سِر وچ کھلر گیا اے۔جہدے کارن بالڑی دی صحت ڈاڈھی خراب اے۔پولیس نے بالڑی دی ماں خلاف کارروائی شروع کر دتی اے۔