ڈھاکا(پاکستان پوائنٹ نیوز19۔ستمبر2017ء) بنگلا دیش دی راجدھانی ڈھاکا وچ 20ہزار بندیاں نے گوانڈھی ملک میانمار وچ روہنگیا مسلماناں اُتے سکیورٹی فورسز دے ظلماں خلاف ریلی کڈھی۔تفصیل مطابق بنگلا دیش دی راجدھانی ڈھاکا وچ 20ہزار بندیاں نے گوانڈھی ملک میانمار وچ روہنگیا مسلماناں اُتے سکیورٹی فورسز دے ظلماں خلاف ریلی کڈھی۔ وکھالوی بنگلا دیش دی سبھ توں وڈی مسجد دے باہر جمع ہوئے تے میانمار دے سفارت خانے تیکر احتجاجی مارچ کیتا۔
ریلی دا آہر’ حفاظت اسلامی گروپ‘ نے کیتا سی۔ اوہناں دا کہنا سی کہ جماعت دے ہزاراں کارکن میانمار دے سفارت خانے نوں گھیرے وچ لین گے پر ڈھاکا وچ کسے انہونی نال نبڑن لئی پولیس دی وڈی نفری تعینات سی جہناں وکھالویاں نوں سفارت خانے ول جان توں ڈک دتا۔ ڈھاکا میٹرو پولیس دے ڈپٹی کمشنر انور حسین نے پرچا کاراں نوں دسیا کہ احتجاجی وکھالے وچ 20ہزار بندیاں نے رلت کیتی۔
